NICHIKASE´EYU IN TU´UN VIÍ
Norma González Jiménez
Nichikase´eyu in tu´un vií viti ta´a nahá
Tava niní shi´ín nu´una,
Nichicava´a ña ini kisili Ñu´ú na Inkuiín
Ta ni siasiyuña sí nta´a minú nchaí.
Kuniyu na ndaniuña ta chicua
Tisin ña ku suku tiuún
Ta koyo yuyú ta tashiso ka´a,
 |
| Ilustración: Delfino Marcial Cerqueda |
Ndakani siaayu, ña´a kuyu,
Ndiíña kuniyu kooyo
ndakua´a nu´ún, kueni tacha´a tu´un
ña na ndakanininduva´a siaun.
Nichikase´eyu nu´una in tu´un víi saa
Ni kuunina ko´o kíshi´yu,
Ndika lanta ña ndakaniniyu
Ña ndika chitu tutu nda´a
Ña ndakaniniyu sia´a Ñu´u Savi,
A sia´a mi´un sashi kundoo ña kuninduva´a.
Ni taan in tu´un vií ta nichikase´eyuña nu´u na tuva´a
Tava na kaa´n se´eyu ña siniyu taan tu´un vií,
Tava ni ivana ni yasi ichi sika siu´n
Kanda iniyu si ndiña saun.
Ku´unyu siun “Yoso Ini” tana taan nu´u tutu
Nuu kua´an ichi Ñu´u Yucunico´o
Tava na ko´oun takuii nanaika
Taniun keeun kavañayaa
kusu´un nu´un yucu kuií ta
kanishicoun ita yaa.
Nichikase´eyu in tu´un vií, sani kunimií
Chi kuniyu kunde´eyo kuaku´un
Ta na ndaniu´n tu´un vií.
.jpg)
