SO'PE' HUELU*
Son Tradicional
Letra: Jesús Henestrosa, Chu Yodo
 |
| Jesús Gallehos |
Nase yendaya** ti ra raca saa
ti guendaxheela’ cayaca galahui’ ti gui’xhi’
yegundaache’ ne bicaacheluá’
so’pe’ huelu hua’ cachaganá’
de guirá manigui’xhi’ zuchaahui’ cayuuya’
cuyaa bidximbo’co’ bia’ ri’ guidiruaa,
nuu ti lexu nisi canagugá
ti gueu’ yooxho’ ti qué gome laa.
Ma’ naxudxi ti bizi guendazí’
ná xa cha’ca’ zuba cue’ ti berelucanda
cucaa stale “tanda”, caní’
xahui rango bidxiichi zebí;
ngue cayaca ora guxidxi ti daapa dxa so’pe’
tisi ma’ qué gapa, ma’ gasti’ ni gudii,
biaba so’pe’, bichiaa xhiaa layú
ngupi biasa biuu ra xquiiruyú.