Sica nisaguié | Como la lluvia

SICA NISAGUIÉ

Enedino Jiménez

naya’ni’, nabiuxe, qué gapa xigaba’
ra calate piipidó’
ndaani’ xpidxaana’ guidxilayú,
zacá rilátelu’ ladxiduá’
dxi cayannaxhiilu’ naa.

Ilustración: Delfino Marcial Cerqueda

Ca binnizá | Los zapoteca

CA BINNIZÁ

Enedino Jiménez

Binnizá laadu.

Binni nadxii xquenda.

Ca binnizá yooxho’ Gula’sa’ biree laca’

gunaxhiica’ gubidxa, bisiá ne beedxe’.

Gubidxa bizaani’ guirá’ neza guzaca’

ne bizaani’ dxiiña’ risaca bi’nica’.

Bisiá bisiidí’ laaca’ guichézaca’ lu bi,

guiásaca nandí’, chu’ca ra jma naso guibá’.

Guendanadxiibalú ne guendarucaalú nadipa’

beedxe’ biluí’ ni laaca’ ne biaananeca’ ni.

Ca manihuiini’ ripapa neza rihuinni guibá’

zaqueca biduunaxhiica’.

Ne xinaxhi riale lu guie’, ca rigola que,

saa dunabé sicarú gulá’quica’, biindaca’ ne biyaaca’

lu bi, lu za, lu bacaanda’ ya’ni’ xtica’.

Zaqué nga guyá’ guendalisaa cá lu xpia’

ca binnizá nuu yanna,

ca binni nadxii xquenda.