Ma’ cheguinié’ xiñee ndi nuaa’ sicarí’,
ma’ chegate’ guiruti’ ganna xiñee;
Xavizende guniexcanda’ canazaya’ ti huadxí,
nga nga’ yuuba’ cayuti naa de dxiqué.
Ti bacaanda’ canazá gudxite naa,
 |
| Ilustración: Gregorio Guerrero |
rá lidxe’ nexhe’ caziiladxe’ ti huadxí;
guniéxcaanda’ ti gunaa zubania’ laa
ne cuxidxe’ gudxé’ laabe sicarí’:
Sicarú rizalu’, rade guiiru’ xhágalu’,
ziuula’ guichai’cu’, xunaxi lii para naa;
biiya’ zizalu’ ne naa biuuladxe’ lii stale,
zulua’ naa biale’ peru parasi lii jñaa’.
Bina guni’be “zanaxhiee’ lii badunguiiu,
diuxi biseenda’ naa para ganaxhiee’ lii”;
ne ra gudobe ti bixidu’ rua’ bibane’,
caniéxcaanda’ zacapia’ naa de dxandí’.
Bacaanda’ xiñee ndi’ beedu’ ra nuaa’,
bacaanda’ yanna pur lii nga chegate’;
bacaanda’ xiñee beedachitu naa,
bacaanda’ ma’ pur lii ridxibe’ gase’.
Dxi nahuiine’ qué nizaaladxe’ gunaa,
yanna ma’ bioxhua’ nin tu laa rulabi naa;
nga ti bacaanda’ bisenda’ diuxi ra nuaa’,
rue’nia’ni binni peru runiná ni naa.
Ndaani’ xquidxe’ xtubi riénecabe naa,
xiindi’ gune’ chupa dxiiña’ gapa’ guidxiiche’;
ngaca ñanna’ de dxiqué ñaca’ naquiite,
yanna ti bacaanda’ reedachite naa.
Bacaanda’ xiñee’ ndi’ beedu’ ra nuaa’,
...
_______________________________
Texto publicado en Istmo Autónomo (hoy Revista Guidxizá - Nación Zapoteca), Año II, Núm. 8, Enero-Marzo de 2006. Se autoriza su reproducción siempre que sea citada la fuente.
Istmo Autónomo (hoy Guidxizá) es una revista cultural sin fines de lucro editada por el Comité Melendre de manera periódica.